IPPO Director, nanginwala nga naghalin sa iya ang text message nga nagapangayo sa iban nga police stations sang amot para sa Guimbal MPS

IPPO Headquarters – Wala sang mandu si Iloilo Police Provincial Office Director PSSUPT Marlon Tayaba nga magpadala sang text message sa mga police stations sa probinsya kag magpangayo sang amot para sa mobility kag iban pa nga galastuhan sang Guimbal MPS.

Suno kay Tayaba, ginpa-imbestigaran niya ini kag may ginadudahan na nga chief of police nga amo ang nagpadala sang mensahe sa iban pa nga mga hepe.

Na-istorya naman ni Tayaba ang bag-o nga OIC sang Guimbal MPS nga si PCINSP Remy Alavaren kag gin-deny niya nga gin-untat sang LGU ang fuel subsidy sa police. Naka-istorya na si Alavaren sa representative sang Guimbal LGU kag ginhambalan siya nga pwede na makakuha sang trip ticket agud matughungan ang mga patrol cars.

Pa-athag ni Alavaren, wala sila makapatughong sang nagligad nga semana bangud sang long weekend. (JoMaque)