Menor-de-edad nga suspek sa pagbuno patay sa kasubong nga menor sa Calinog, suspek man sa pagpangbuno sang una

Calinog, Iloilo– Disappointed ang concerned citizen sa Brgy. Dalid, Calinog sa ginpahayag pagpabaya sang mga pulis kag indi pag-custody sa menor-de-edad nga suspect sa stabbing incident sa ila lugar.

Gin-alegar ni alyas Inday nga ginahimo nga suluguon sang mga pulis si alyas Ben, ang 16 anyos nga suspect sa pagbuno-patay sa 13 anyos nga si alyas Rex kahapon, Enero 4, 2019, sa Barangay Dalid.

Suno kay Inday, nag-surrender na sadto sa mga pulis si alyas Ben bangud nakabuno apang sa baylo nga i-refer sa DSWD, ginhimo siya nga boy ukon suluguon sang mga pulis sa Calinog.

Suno pa kay alyas Inday, ginasugo sang mga pulis nga magbakal sang sud-an kag kon ano pa nga mga kinahanglanon personal si Ben. Dugang niya, nagalagaw-lagaw sa ila lugar si Ben gamit ang motorsiklo sang police.

Nagrason naman si Chief Inspector Jose Nemias Pamplona, hepe sang Calinog Police Station, nga wala sang temporary shelter ang DSWD gani temporaryo nga ginapatenir si Ben sa police station.