Mga kaalyado ni Cong. Jerry Treñas, maboto sa pag-override sang line item veto ni Mayor Joe Espinosa sa 2019 budget ordinance –VM Ganzon

Iloilo City – Duha lang sa anum ka konsehal nga identified kay Congressman Jerry Treñas ang nag-abot sa sinapol nga ginpatawag ni Vice Mayor Jeffrey Ganzon.

Nagpatawag sang meeting si Ganzon agud istoryahan ang ila panindugan sa pag-veto ni Mayor Joe Espinosa sang pila ka items sang 2019 Budget Ordinance.

Nagtambung sanday Councilors Ely Estante kag Jay Treñas. Nag-text naman suno kay Ganzon ang iban kag nagpabutyag nga maupod sila kon ano ang mangin panindugan sang grupo.

Nadesisyunan suno sa bise alkalde nga iduso nila ang pag-override sa veto sang alkalde. (JoMaque)