Opening Salvo sang Dinagyang Festival 2019, hiwaton sa Enero 11

Iloilo City— Hiwaton sa Enero 11 ang opening salvo sang Dinagyang Festival 2019.

Sa Facebook post ni Mayor Joe Espinosa III, magasugod ang aktibidad las-tres sa hapon sa bag-o nga Iloilo Freedom Grandstand.

Walo ka mga competing tribes ang maga-perform sa opening salvo.

Siraduhan naman umpisa ala-una sa hapon ang mga mayor nga dalan sa syudad.

Una na ginpabutyag ni City Tourism Officer Junel Ann Divinagracia nga nadesisyunan nga tingbun ang ‘Pamukaw’ kag ‘Opening Salvo’ sang ika-51 nga Dinagyang Festival bangud magasto kon i-separar ang duha ka events. (AGB)