Councilor Plaridel Nava, iduso sa city council ang pag-override sa line item veto ni Mayor Joe Espinosa sa 2019 budget ordinance

Iloilo City — Iduso ni Councilor Plaridel Nava, chairman sang Committee on Approriations sa city council, ang pag-override sa gin-veto nga items ni Mayor Joe Espinosa sa 2019 budget ordinance.

Suno kay Nava, indi soya komporme sa tikang sang alkalde. Ipresentar sang konsehal ang iya argumento agud indi mapasugtan ang pag-veto sang alkalde.

Bisan nagaduha-duha nga ma-override ang gin-veto sang alkalde kon basehan ang numero sang mga konsehal nga nagasuporta kay Espinosa, may mga options pa sila suno kay Nava.

Lakip na dire ang pagbasura sa veto message sang alkalde kag masumiter na lang sang lain nga resolution sa Committeee on Finance kag hingyuon nga ipatuman ang budget nga ginpasar sang konseho.

Una dire, wala na-uyunan ni Espinosa nga naghimo sang table of expenditures ang konseho kag gintunga ang budget halin Enero tubtub Hunyo kag Hulyo tubtub Disyembre.

Gin-athag naman ni Nava nga antes ginhimo ang table of expenditures sa budget sang alkalde, nagkonsulta siya sa budget officer sang syudad.

Nagpanindugan pa ang konsehal nga wala sang laye nga nagadumili sa pagtunga sang budget. (JoMaque)