Bangkay sang mangingisda nga nasapwan sa motorized banca sa baybayon malapit sa Palawan kag Panay Island

San Jose, Antique  — Nasapwan ang bangkay sang mangingisda sa sulod sang motorized banca nga naga-utaw-utaw malapit sa Sumbrero Islet nga nahamtang sa tunga sang Palawan kag Panay Island kahapon kaagahon, Enero 6.

Suno kay Lieutenant Commander Ramil Palabrica, spokesperson sang Coast Guard Western Visayas, ginkilala ang natungdan kay Joe Tumaca, 44-anyos sang Barangay Tinigbas, Liberted, Antique.

Ang pamilya mismo ni Tumaca ang nag-identify sa iya.

Disyembre 28 sang pinakaulihi nga nakita si Tumaca matapos nag-inom upod sa iya abyan sa ila man nga barangay.

Yara na sa advance state of decomposition ang bangkay ni Tumaca nga nahigtan pa sang lubid sa hawak. (JoMaque)