Mga miembro sang Ati community, mapasundayag sa Dinagyang Festival 2019

Iloilo City — Mapasundayag man sa Dinagyang Festival subong nga tuig ang Tribu Miro halin sa Ati Community sa Sitio Nagpana, Barangay Lipata, Barotac Viejo.

Suno kay Robert Alor, chairperson sang Tribe Committee sang Iloilo Dinagyang Foundation Incorporated, guest performer lang sa Ati Tribes Competition ang Tribu Miro lakip ang Tribo Bola Bola nga may pinakadamo naman nga kampeonato nga nakuha sa amo nga festival.

Ginhatagan sang kahigayunan ang Tribu Miro nga makapasundayag bilang pagtib-ong sa ila kultura kag para man sa turismo suno kay Alor.

Una na gin-ako ni Alor nga wala sang ikasarang sa pinansyal ang tribu Miro agud magpasakop sa Ati Tribes Competition.

Nagpasalig naman ang IDFI sang bulig pinansyal sa nasambit nga mga tribu.

Ulihi nga nagpasakop ang Tribu Miro sa kompetisyon sang 2013.

Ang mga competing tribes subong nga tuig amo ang;

1.)Tribu Ilonganon sang Jalandoni National High School
2.) Tribu Pan-ay sang Fort San Pedro National High School
3.) Tribu Panayanon sang Iloilo City National High School
4.) Tribu Salognon sang Jaro National High School
5.) Tribu Paghidaet sang LaPaz National High School
6.) Tribu Barriohanon sang Barrio Obrero National High School
7.) Tribu Dagatnon sang Ramon Avanceña National High School 
7.) Tribu Hugponganon , ang anay Tribu Buntatalanit.

(JoMaque)