(UPDATE) WVSU Board of Regents, mahiwat sang special meeting agud talakayon ang mga isyu sa WVSU Medical Center lakip ang pag-avail sang hospital chief sang medical assistance

Iloilo City— Mahiwat subong nga bulan sang special meeting ang Board of Regents sang West Visayas State University angut sa mga isyu sa WVSU Medical Center.

Suno kay Dr. Luis Sorolla, presidente sang WVSU kag vice-chair sang Board of Regents, lakip sa mga diskusyunan ang reklamo batuk kay Dr. Ramon Guerra Jr, chief sang WVSU-MC angut sa pag-avail niya sang P130,000 nga medical assistance sang gobyerno para sa mga pigado.

Wala pa sang pinal nga petsa sang special meeting suno kay Dr. Sorolla.

Una na ginreport nga ipresentar sang fact finding committee sang WVSU subong nga quarter ang ginapangita nga dugang nga mga dokumento sang Board of Regents angut sa reklamo batuk kay Dr. Guerra agud madesisyunan ini. (AGB/ATT)