Liquor ban paglab-ot las 2 sa kaaghon, posible i-suspend sa Dinagyang 2019

Iloilo City — Posible nga i-suspend ang pagpatuman sang Executive Order No. 146 ni Mayor Joe Espinosa nga nagadumili sa mga establisimento nga magbaligya sang makahulubog nga ilimnon paglampas sa alas 2 sang kaagahon sa Dinagyang Festival 2019.

Suno kay Public Safety and Transportation Management Office (PSTMO) head Jeck Conlu, ginahulat na lang nila ang order ni Mayor Espinosa sa posible pag-suspend sang EO.

Base man sang nagligad nga tuig, temporaryo nga gin-suspend ang mandu sa kahiwatan sang Dinagyang.

Indi pa matumod ni Mr. Conlu kun pila ka adlaw ipatuman ang suspension bangud magabase ini sa order sang alkalde nga ginalauman ipaguwa subong nga semana. (JoMaque)