ArchivesLokal

Abogado sang 2 bodyguards ni Councilor Plaridel Nava nga gindakup kag ginkasuhan angut sa pagpatay sa pakaisa sang konsehal, kumbinsido nga indi mabakud ang kaso batuk sa iya mga kliyente

Iloilo City–Lunsay circumstantial kag wala sang mabakod nga ebidensiya ang prosecution sa kaso sang pagpatay kay Mercedes “Gingging” Nava sa Calahunan, Mandurriao sang Enero 4.

Kumbinsido si Atty. Shiella Olid, isa sa mga counsels sang mag-utod nga Roy kag Rey Julius De los Reyes, nga masarangan nila nga malutsan ang kaso.

Suno sa iya, wala sila sang makita nga solido nga ebidensiya kag isa sa mga testigo ang paryente pa sang biktima.

Ginpahayag ni Olid nga damo sila nga mga abogado ang magabuligay sa kaso sang mag-utod.

Gin-waive nila ang pag-file sang kaso para sa arbitrary detention sa mga pulis kag nangayo sang extension nga 10 ka adlaw para maka-file sila sang counter affidavit.

Ini agud makatipon sila sang mga dokumento kag ebidensiya batok sa mga arresting officers.

Wala ginpasugtan sang mga abogado nga ma-inquest ang mag-utod kagab-i.

Sanday Roy kag Rey Julius ang ginkasuhan sang murder kag illegal possession of firearms. Ginkasuhan si Rey Julius sang illegal possession of explosives matapos siya nakuhaan sang granada sang gindakop sila sa city hall sang Enero 7.

Ang mag-utod mga bodyguards ni Councilor Plaridel Nava. (AGB/MO)

Leave a Reply