Mag-utod nga De los Reyes nga suspek sa pagpatay kay Mercedes ‘Gingging’ Nava, ginpasakaan na sang kaso

Iloilo City– Ginpasakaan sang kaso nga double murder ang mag-utod nga Roy kag Rey Julius “Tata” De Los Reyes may kaangtanan sa pagpatay kay Mercedes “Gingging” Nava sa Calajunan Mandurriao sang nagligad nga semana.

Kasunod ini sang pagka-aresto sang mag-utod sa Iloilo City Hall sang Enero 7.

Suno kay ICPO Director Supt. Martin Defensor Jr, magluwas sa double murder, kaso nga illegal possession of firearms kag illegal possession of explosives ang ginpasaka sa mag-utod.

Ang kaso nga double murder ang ginpasaka sang Mandurriao Police angut sa pagpatay sa pakaisa ni Councilor Plaridel Nava samtang ang kaso nga illegal possesion of firearms ang ginpasaka sang Police Station 1 kasunod sang pagkarecover sang tatlo ka pusil kadungan sang pag-aresto sa ila sa sulod sang Iloilo City Hall.

Ginkasuhan naman sang illegal possesion of explosives si Tata bangud na-recover sa iya possession ang granada. (JoMaque)