Pila ka dalanon sa syudad, siraduhan sa Opening Salvo sang Dinagyang Festival sa Enero 11

Iloilo City— Masaksihan na ang Opening Salvo sang Dinagyang Festival buwas sa hapon, Enero 11.

Pero may mga dalan na nga pasiraduhan halin ala una pa lang sa hapon para bisan nga alas dos pa ang closure nga gin-abiso sa publiko.

Una nga pasiraduhan halin ala una sa hapon ang dalan Iznart, JM Basa, Quezon kag Ledesma.

Suno kay Public Safety and Transportation Management Office head Jeck Conlu, amat-amaton sirado ang gintumod nga mga dalan agud makapatuman sila sang total closure pag-abot sang las-dos sang hapon.

Tuyo man sini nga maka-gwa gilayon ang mga salakyan sa mga dalanon nga pasiraduhan agud indi sila maalangan kon magsugod na ang programa. (AGB)