Pumpboat nga naka-angkla sa puerto sa Jordan, Guimaras, nagkapan matapos natumbahan sang haligi sang daan nga bodega

Guimaras — Nagkapan ang motor-banca nga nagabiyahe Jordan, Guimaras pa-Iloilo kag vice versa sang natumbahan sang konkreto nga poste sang daan nga bodega sang kalamay malapit sa port sang Jordan.

Nagahulat sang ila byahe ang mga crew sang sakayan las 6:30 kaina sang aga, Enero 10, sang natabu ang insidente.

Wala sang napilasan bangud maabtik nga nakalikaw ang tatlo ka crew nga on board sa sakayan suno kay Lt. Commander Rodolfo Dela Peña sang Philippine Coast Guard Iloilo Station.

Ginapanag-iyahan ni Mr. Nanding Espinosa sang Jordan ang “Motor Banca First 5” nga nagkapan.

Gin-abisuhan sang coast guard nga mag-file sa ila opisina sang marine protest ang tag-iya sang motor banca agud ma-cover sang insurance. (AGB/KJT)