Bag-o Dinagyang Grandstand, inagurahan; Sunburst Park, i-turn over sang TIEZA sa city government

Iloilo City – Inagurahan ang bag-o nga Dinagyang Grandstand subong nga aga, Enero 11 para hatagan ligwa ang Opening Salvo sang Dinagyang Festival 2019 alas tres karon sa hapon.

Pangunahan ni Mayor Joe Espinosa ang inagurasyon.

Samtang, alas 10:00 subong nga aga, i-turn over sang Tourism Infrastructure and Enterprise Authority ukon TIEZA sa city government ang bag-o gin-rehabilitate nga Sunburst Park nga nahamtang sa gin-demolish nga daan nga Freedom Grandstand nga may estatwa ni General Macario Peralta sa tunga.

Ang 19.9 million pesos nga Sunburst Park ang gin-revive sang TIEZA bilang pagpasidungog sa United States Army 40th Infantry “Sunburst” Division nga nagbulig para mahilway ang Panay halin sa Japanese forces.

Nagalapad sang 600 square meters ang lugar para sa recreational activities sang mga Ilonggo. (JoMaque)