Dinagyang Festival 2019, nagbukas na; walo ka tribu, nagpasundayag sa Opening Salvo

Iloilo City— Opisyal na nga nagbukas ang Dinagyang Festival 2019 kasunod sang Opening Salvo kaina sang hapon, Enero 11.

Sa programa nga ginhiwat sa bag-o nga grandstand sa dalan Muelle Loney, City Proper, ginpadayaw ni Mayor Joe Espinosa nga kapareho na sa Sydney, Australia ang bag-o nga lokasyon nga naga-atubang sa Iloilo River.

Una nga nag-perform sa Dinagyang Grandstand nga magaserbe man judging area number 1 sa highlight ang defending champion nga Tribu Panayanon sang Iloilo City National High School.

Ginsundan ini sang Tribu Ilonganon sang Jalandoni Memorial National High School; Tribu Dagatnon sang Sang Ramon Avanceña National High School; Tribu Paghidaet sang Lapaz National High School; Tribu Hugponganon nga anay Tribu Buntatalanit; Tribu Pan-ay sang Fort San Pedro National High School; Tribu Salognon sang Jaro National High School kag Tribu Barriohanon sang Barrio Obrero National High School.

Nagsugod ang programa alas-tres sang hapon kag natapos ang performance sang walo ka tribu pasado alas-singco sa hapon. (AGB)