Dumangas RoRo Port, alagyan sang illegal drugs – Gov. Defensor

Provincial Capitol – Nag-courtesy call si Philippine Drug Enforcement Agency (PDEA) 6 OIC Alex Tablate kay Governor Arthur Defensor sang Enero 7.

Sa iya pagbisita, ginpahibalo ni Defensor kay Tablate nga nagnubo ang drug cases sa probinsya pero madamo gihapon ang illegal drugs. Suno pa sa gobernador, ginapaagi sa RORO Port sa Dumangas ang kalabanan sa illegal drugs nga nagasulod sa probinsya.

Gintawgan sang Aksyon Radyo ang hepe sang Dumangas MPS agud kuhaan sang iya komento sa pahayag sang gobernador apang indi pa ma-contact ang iya cellphone number.

‘P500,000 REWARD’
Ginsulit ni Defensor kay Tablate nga mahatag ang provincial government sang P500,000 reward agud madakpan si Ernesto Bolivar sang Pototan nga nalakip sa priority target sang Police Regional Office 6 bilang HVT drug personality. (JoMaque)