Gym sa Progreso, Lapuz, ipa-demolish sang City Government

Iloilo City— Ipa-demolish sang city government ang gym sang Brgy Progreso, Lapuz bangud gina-claim na sang tag-iya sang duta nga ginatindugan sang gym ang propedad.

Suno kay Progreso, Lapuz Punong Barangay Myde Sollano, lima na ka tuig nga gintuyo i-demolish ang pila ka mga balay sa ila barangay lakip na ang ila covered court apang wala nadayon bangud wala pa sang approval sa Commission on Audity (COA).

Sang nagligad nga tuig lang gin-aprobahan sang COA ang pag-demolish rason nga mga las-nueve kaina sang aga, Enero 11, nag-abot ang demolition team sang syudad para sugudan ang operasyon pero wala nadayon kag naghambal sila nga sa Lunes na lang himuon.

Kalabanan sang lote sa Barangay Progreso ang ginapanag-iyahan ni Dr. Daniel Ledesma kag sa pagkahibalo ni PB Sollano, ginbaligya na. Dugang pa sang kapitan, madugay naman nga napadal-an sang notice ang mga residente kag ang iban sa ila ang naghalin na.

Sa Lunes suno kay kapitan mabalik ang demolition team agud gub-on ang covered court sang barangay. (AGB/KJT)