Masobra 700 ka Japanese nationals, magasaksi sa Dinagyang 2019

Iloilo City – Kapin 750 ka Japanese nationals ang magasaksi sa Dinagyang Festival 2019.

Suno kay City Tourism Operations Officer Florence King Erlano, maga-abot sa Iloilo ang cruise ship nga MV Pacific Venus of Japan nga sakyan sang Japanese nationals sa Enero 26 nga maga-dock sa Iloilo International Container Port.

Ginpahayag ni Erlano nga sug-alawon sang opisyal sang syudad ang mga bisita kag i-shuttle pakadto sa bag-o nga Freedom Grandstand para magsaksi sa Kasadyahan Regional Cultural Competition.

Pagkatapos sang Dinagyang, ginaplano sa City Tourism Operations Officer nga i-tour sa nagkalain-lain nga destinasyon sa syudad kag probinsiya ang mga Japanese national. (JoMaque)