Impormasyon nga entry point sang illegal drugs ang Dumangas RoRo Port, madugay na natumod sang police – IPPO Director

Iloilo– Madugay na nakalab-ut sa intelligence operatives sang Iloilo Police Provincial Office nga isa ang Dumangas RORO Port sa mga entry points sang kontrabando pareho sang illegal drugs.

Pero suno kay IPPO Director PSSUPT Marlon Tayaba, may ginahimo sila nga mga tikang agud mapunggan ang pagpalusot sang mga kontrabando sa puerto kag pila naman ang nadakpan bangud sa pagdala sang illegal drugs.

Ginpanindugan naman ni Tayaba nga na-minimize ang illegal drugs sa probinsya bangud sa sige-sige nga mga operasyon pero mataas gihapon nga demand.

May mga drug personalities man suno sa opisyal nga nagapabilin nga at-large pareho kay Ernesto Bolivar sang Pototan.

Daku nga bulig suno kay Tayaba ang promisa sang provincial government nga maghatag sang P500,000 sa sin-o man nga makatudlo kay Bolivar. (JoMaque)