Mag-utod nga Roy kag Rey Julius Delos Reyes nga suspek sa pagpatay kay Mercedes Nava, wala pa maka-file sang counter affidavit – abogado

Iloilo City  – Wala pa maka-file sang counter affidavit ang kampo sang mag-utod nga Roy kag Rey Julius ‘Tata’ Delos Reyes nga mga suspek sa pagpatay kay Mercedes Nava sang Enero 4.

Suno kay Atty. Shiella Olid, isa sa mga abogado sang mag-utod, tinguhaan nila nga ma-file ang counter affidavit antes ang deadline nila nga Enero 18.

May iban pa nga mga ebindensya nga ginatipon ang ila kampo suno kay Olid nga makapamatuod nga inosente ang iya mga kliyente.

Ini magluwas pa sa ila nakuha nga CCTV footage kag mga litrato sang mga suspek nga nagapakita nga tuman ka layo sa lawas sang mag-utod.

Angut naman sa nabutang sa affidavit sang witness/complainant nga nakita niya si ‘Tata’ malapit sa balay ni Mercedes sang Enero 4, antes ang krimen, kag sa nakuha nga mga pusil kag granada sa mag-utod, ginpakamaayo ni Atty. Olid nga indi magkomento.

Preso gihapon ang mag-utod sa Mandurriao Police Station. Una na sila ginpasakaan sang kaso nga murder. (JoMaque)