(UPDATE) IED kag IED materials, na-recover sa encounter site sa Miag-ao
Miag-ao, Iloilo— Naka-recover sang improvised explosive device kag IED materials ang tropa sang gobyerno sa Sitio Ttigmaan, Barangay Alimodias, Miag-ao sa diin nila naka-engkuwentro ang mga ginapatihan miembro sang New People’s Army kahapon sang aga, Enero 11.
Nagapati si Lieutenant Colonel Sisenando Magbalot Jr, commanding officer sang 61st Infantry Battalion sang Philippine Army, nga gamiton sang mga rebelde sa mga suldado ang narecover nga IED.
Duha na ka adlaw suno sa iya nga nagatiner sa lugar ang armado nga grupo base man sa ila impormasyon kag nakita nga temporaryo nga palahuwayan.
Una na ginpahayag ni Magbalot nga posible mga miembro sang Southern Front sang Kilusang Rehiyong Panay ang naka-engkuwentro sang mga suldado. (AGB/JGM)
Ang amu nga grupo suno sa iya ang naga-operate sa maasin, miagao, igbaras, san joaquin kag hamtic-sibalom, antique area// Wala naman sang patimaan nga may napilasan sa grupo sang mga rebelde suno kay magbalot//