16-anyos nga estudyante nga nagapartisipar sa “Barkada Kontra Druga” sa Janiuay, nabun-an; Suspek nga outsider, nakapalagyo

Janiuay, Iloilo — Pilason ang 16-anyos nga estudyante nga lalaki matapos nabun-an sa Janiuay National Comprehensive High School kagab-i, Enero 12.

Nagapartisipar sa Barkada Kontra Druga Outreach and Convention nga ginahiwat sa eskwelahan si Alyas Vin sang Banate sang natabu ang insidente.

Suno kay PO2 Raymund Dayan sang Janiuay Police Station, suspek sa krimen ang menor-de-edad nga tumandok sang Janiuay kag outsider sa eskwelahan.

Nagaguwa sa ila imbestigasyon suno sa iya nga wala pag-intindihanay ang motibo sa krimen. Ginpahayag nga nagtulokay ang duha sang nag-abot sa eskwelahan ang biktima sang Biyernes, Enero 11 kag posible nga gintandaan sang suspek.

May natabu nga kinagamo antes nabun-an si Vin kag napilasan sa tuo nga dughan.

Padayon ang hot pursuit operation sa suspek samtang ginabulong naman sa ospital ang biktima. Wala na-recover ang patalom nga gingamit sa krimen. (JoMaque)