5 police officials, 1 konsehal sa Bacolod City, ginhingadlan ni Pres. Duterte nga ginpahayag naangot sa illegal drugs

Bacolod City, Negros Occidental – Lima ka matag-as nga opisyal sang Bacolod City Police Office (BCPO) ang ginhingadlan ni Presidente Rodrigo Duterte nga ginpahayag naangot sa illegal drugs.

Ginhimo sang presidente ang pahayag sa birthday party sa L Fisher Hotel subong nga gab-i, Enero 12.

Ginkumpirmar man ni Police Regional Office 6 Director Chief Supt. John Bulalacao ang amu nga statement sang presidente.

Magluwas sa lima ka police officials, ginhingadlan man sang presidente si Bacolod City Councilor Ricardo ‘Cano’ Tan nga naangot sa illegal drugs.

Ginmandu na ni Bulalacao ang pagkakas sa pwesto sang lima ka police officials nga sanday S/Supt. Francisco Ebreo, officer-in-charge city director ng BCPO; Deputy for Operations nga si P/Supt. Allan Macapagal; P/Supt. Richie Yatar; P/Supt. Nassrudin Tayuan, anay team leader sang Bacolod City Drugs Enforcement Unit pero nakabase na sa Mindanao kag si S/Insp. Victor Paulino, anay hepe sang Police Station 3. (JoMaque)