Choreographer Romel Flogen, may mga adjustments sa performance sang ila tribu sa bag-o nga grandstand

Iloilo City – May mga adjustment nga himuon ang sikat nga choreographer nga si Romel Flogen matapos ang Opening Salvo sang Dinagyang Festival sang Enero 11.

Suno kay Flogen, kinahanglan nila mag-adjust sa bag-o nga grandstand sa dalan Muelle Loney, City Proper nga nagaserbe man judging area number 1 bangud makitid ang space nga ila isulan kag plastaran sang mga props.

Mangita man sila sang paagi kon paano matago ang mga props antes ang performance bangud kitaun na sa audience ang plastaran sa kilid sang Iloilo River.

Samtang nagpasalig si Flogen nga may sorpresa ang iya gina-uyatan subong nga Tribu Salognon sang Jaro National High School bangud may bag-o siya nga choreography nga gin-experiment kag masaksihan sa highlight sa Enero 27.  (JoMaque)