4 miembro sang pamilya, pilason sa pagbungguanay sang awto kag 10-wheeler truck sa Dingle

Dingle, Iloilo – Apat ka miembro sang magpamilya ang pilason matapos nagbungguanay ang awto kag 10-wheeler truck pasado alas sais kagab-i, Enero 13, sa Barangay Lincud.

Gindala sa ospital sanday Abe Jude, Christine Bedia kag duha nila ka menor-de-edad nga bata matapos naka-agom sang minor nga kapilasan sa lawas.

Arestado naman ang driver sang truck nga si Romeo Subron sang San Carlos, Anilao.

Sa imbestigasyon sang Dingle Police, nag-overtake ang truck sa na una nga salakyan kag nasumalang ang awto nga ginamaneho ni Abe Jude Bedia sang Barangay Agcuyawan Pulo, Barotac Nuevo. (JoMaque)