Engkuwentro sa tunga sang Philippine Army kag ginapatihan NPA, nagluntad sa Barangay Dalije, Miag-ao

Miag-ao, Iloilo — Ginkumpirmar ni Lt. Colonel Sisenando Magbalot Jr, commanding officer sang 61st Infantry Battalion sang Philippine Army nga may nagluntad nga engkuwentro sa tunga sang mga suldado kag ginapatihan armado nga grupo sa Sitio Lay, Brgy. Dalije, Miag-ao las 11:07 kahapon sang aga.

Sa press statement nga ginpaguwa sang 61st IB, naka-engkuwentro sang mga suldado ang grupo sang Communist Party of the Philippines – New Peoples Army halin sa Komiteng Rehiyon Panay-Southern Front Committee.

Ang grupo ginapamunuan ni certain Joven Ceralvo alias Lex.

Naglawig sang 20 minutos ang encounter kag wala sang may ginreport nga napilasan sa tropa sang gobierno.

Natabu ang encounter samtang nagahimo sang strike operation ang tropa 
sang gobyerno kasunod sang nabaton nga impormasyon nga may presensya sang mga rebelde sa lugar kag nagahimo sang ginpahayag extortion kag recruitment activities.

Sang Enero 11, naka-engkuwentro man sang mga suldado ang ginabanta 30 ka miembro sang amu man nga grupo nga ginapamunuan ni Lex sa Sitio Tigmaan, Brgy. Alimodias, Miagao. (JoMaque)