Lalaki nga ginserbihan sang warrant of arrest sa Lambunao, patay sang ginpahayag nagbato sa pulis

Lambunao — Natiruhan patay ang 26-anyos nga lalaki matapos ginpahayag nagbato sa pulis sang ginserbihan sang warrant of arrest sa Purok 5, Barangay Bagongbong, Lambunao kahapon sang udto.

Suno kay Police Chief Inspector Rene Obregon Jr, hepe sang Lambunao Police Station, nagpalupok sang pusil ang subject nga si Louie Vicente rason nagbalos ang pulis.

Nakita man nga may granada ang subject nga may kaso nga robbery.

Nagresponde na sa lugar ang mga katapo sang Scene of the Crime Operatives kag Explosives and Ordnance Division sang Police Regional Office 6.

Ang Barangay Bagongbong ang 21 kilometros ang kalayuon halin sa poblacion sa Lambunao. (JoMaque)