ArchivesLokalUncategorized

Mga former performers sang Tribu Bola-Bola, sang INHS, magapasundayag bilang guest tribe sa #Dinagyang 2019

Iloilo City — Masako sa academics ang mga estudyante sang Iloilo National High School gani wala nagpasakop sa Ati tribe competition sang Dinagyang Festival 2019 ang Tribu Bola-Bola.

Ini ang rason kon ngaa mangin guest performer na lang ang tribu sa highlight sang kahiwatan sa Enero 27.

Pero gin-athag ni Ms. Riza Amaguin, former principal sang INHS kag subong consultant sang tribu, nga lunsay mga alumni sang eskuwelahan kag mga former performers sang Bola-Bola ang magapasundayag sa Dinagyang.

Suno kay Amaguin, may plano gid man kuntani nga magpasakop ang Bola-Bola sa subong nga tuig nga Dinagyang matapos sila nakita sang Iloilo Dinagyang Foundation nga naga-street dancing sang nagligad nga tuig soksok ang ila uniformed t-shirts.

Apang napatay si Edwin Duero nga artistic director sang Bola-Bola gani wala nadayon.

Sa baylo, naghingyo ang mga alumni kay Amaguin nga ma-perform sila subong nga tuig bilang guest tribe.

Naghatag naman sang financial aid nga P450,000 ang IDFI para sa Bola-Bola.

Ang Bola-Bola ang makabig nga “winningest” tribe sa kasaysayan sang Dinagyang matapos nangin kampeon halin 1994, 1996, 1997, 1998, 1999, 2000, 2001, 2004. (JoMaque)

Leave a Reply