3 sa 4 police officials sa Bacolod City Police Office, gina-monitor na antes pa man nalawagan ni Presidente Duterte nga involved sa illegal drugs– PRO 6

Kampo Delgado – Gina-monitor na sang Police Regional Office 6 ang tatlo sa apat ka police officials sa Bacolod City Police Office antes pa man nalawagan ni Presidente Rodrigo Duterte nga ginpahayag involved sa illegal drugs.

Suno kay PSSUPT Jesus Cambay Jr, Deputy Regional Director for Administration, na-relieve na sadtu ang pila sa nalawagan sang presidente.

Gintumod ni Cambay si PSUPT Allan Macapagal nga gin-relieve sa Iloilo City Police Office kag gin-assign sa Regional Personnel Holding and Accounting Unit kag ginpa-idalum sa Focused Reformation/Reorientation and Moral Enhancement for Police Officers (FORM-POLICE).

Gin-relieve man bilang hepe sang City Drug Enforcement Team si PSUPT Nasrruddin Tayu-an sang nakaligad nga tuig kag ginre-assigne sa PRO 12.

Gin-relieve man antes ang pahayag sang presidente si PSUPT Richie Yatar bilang hepe sang City Mobile Force Company kag ginrekomendar man nga i-relieve si PSINSP Victor Paulino.

Gin-athag ni Cambay nga wala sa ila holdings ang anay OIC sang BCPO nga si PSSUPT Francisco Ebreo.

Sanday Ebreo, Macapagal, Yatar kag Paulino ang ginsaylo sa RPHAU.  (JoMaque)