Masobra 40 balay sa Taal, Molo, nasunog

Iloilo City — Masobra 40 ka balay ang apektado sang sunog sa Zone 3 Barangay Taal, Molo kagab-i, Enero 14.

Suno kay City Fire Marshall Fire Chief Inspector Christopher Regencia, 221 ka individual ukon masobra 40 ka pamilya ang apektado sa sunog.

Lakip sa balay nga nasunog ang balay ni Taal, Molo Punong Barangay Paterno Acutillar.

Apang posible nga mabag-o pa ang figure suno kay Regencia depende sa ila imbestigasyon.

Sa karon, duha pa lang ang ginreport nga partially-damaged samtang ang iban ginatumod pa sang arson investigators.

Isa ka bombero ang ginreport nga napilasan sa sunog.        

Indi man matumod sang mga imbestigador kun diin naghalin ang kalayo.

Nag-umpisa ang sunog alas nueve dos kagab-i kag napalong alas 10:51. (JoMaque)