(UPDATE) Balay sang punong barangay, lakip sa 30 ka balay nga nasunog sa Taal, Molo

Iloilo City— Naglab-ot sa 30 ka balay ang nasunog sa Barangay Taal, Molo kagab-i, Enero 14.

Base sa record ni Punong Barangay Paterno Acutillar, 26 ka balay ang totally gutted samtang apat ang partially damaged.

Lakip sa nasunog ang balay sang kapitan.

40 ka pamilya ang apektado suno kay Acutillar samtang lima ka classrooms sang Iloilo City National High School ang temporaryo nga evacuation centers sang mga nasunugan.

Ginpahayag nga nag-ibwal ang kalayo sa kilid sang pader sang St. Therese College kag madasig nga naglapta sa mga balay. (AGB)