Barangay Kagawad sa Progreso, Lapuz, ginkwestyun ang authenticity sang papeles nga ginpresentar agud i-demolish ang covered court sang barangay

Iloilo City— Ginkwestyun ni Brgy. Kagawad Julie Ann Lapating sang Progreso, Lapuz ang authenticity sang mga dokumento nga ginpresentar sa ila sang demolition team sang City Government bangud edited suno sa iya ang content sang pila ka mga dokumento.

Gintumod ni Lapating ang isa sa mga endorsement letters nga pirmado ni Julie Rose Alerta, Auditor IV kag Audit team leader, nga suno sa iya wala nagasanto ang kaundan.

Sa una nga part sang sulat suno sa Kagawad, nakabutang nga ang covered court sang Barangay Progreso ang i-demolish apang natingala siya kun ngaa sa sunod nga parte sang sulat may nakabutang naman nga ang waiting shed kag overpass sang Bonifacio Drive ang i-demolish. 

Ini ang rason kun ngaa gindudahan ni Kagawad Lapating ang authenticity sang mga papeles nga dala sang demolition team. 

Wala man suno sa iya sang original nga papeles nga mapakita ang manog-demolish. Wala man sang problema kay Kagawad Lapating kun i-demolish ang gym basta insakto lang ang mga dokumento. 

Una na ginreport nga madugay na ginatuyo i-demolish ang amo nga gym bangud gina-claim na sang tag-iya ang duta nga ginatindugan sini. (AGB/KJT)