IPPO, wala pa sang gindeklarar nga election hotspot angut sa midterm elections –IPPO Director

Iloilo– Wala pa sang gindeklarar ang Iloilo Police Provincial Office (IPPO) nga election hotspot samtang nagahilapit ang May 13, 2019 midterm elections.

Gin-athag ni IPPO Director PSSUPT Marlon Tayaba nga may 13 lang ka banwa nga ginapatutukan bangud sang nagliligad nga election-related incidents sa gintumod nga mga lugar.

Suno kay Tayaba, mangin subject pa sa deliberasyon sang Regional Joint Security Council ang pagdeklarar sa banwa nga election hotspot.

Dugang niya, nagapreparar lang sila kag ang pagtutok sa 13 ka banwa, posible mangin basehan sa pag-deploy sang dugang nga police personnel. (AGB/NG)