Jaro Fiesta, mangin wala pulos kon wala sang mga kiosko suno kay Councilor Ed Peñaredondo

Iloilo City— Kabahin na sang madugay nga tradisyon sa kada mag-selebrar sang kafiestahan ni Nuestra Señora dela Candelaria ang pagpahamtang sang mga kiosko sa Jaro Plaza.

Suno kay Councilor Eduardo Peñaredondo, mapatay ang popularity sang Jaro fiesta kun wala sang mga kiosko. 

“Without those, Jaro fiesta is nothing,” suno kay Peñaredondo.

Ang kadam-an sang mga Ilonggos suno sa iya, nagasinadya kun may mga kiosko sa plaza.

Si Peñaredondo ang isa sa duha ka konsehal nga nag-object sa pagpasar sang resolution para sa pagpa-demolish sang mga kiosko sa plaza.

Nagapati si Peñaredondo nga may “gamay” nga pamulitika sa isyu. (AGB/MO)