4 mangingisda nga missing sa Antique, nakita na – Coast Guard

Antique (UPDATE) – Nakita na ang apat ka mangingisda nga gin-report missing.

Suno kay Lieutenant Commander Ramil Palabrica, spokesperson sang Coast Guard Western Visayas, nga ginpahibalo sila sang MDRRMO Libertad, Antique nga may missing nga apat ka mangingisda nga sanday Erineo Jamangal, 50 anyos, pakaisa niya si Marlou Jamangal, 43 anyos, kag duha ka bata ni Marlou nga Jhunkey Jaymar Jamangal kag Jhun Kepheer.

Naghalin sila sa Brgy. Cubay, Libertad pakadto sa Batbatan Island las-dos sang kaagahon agud mangisda pero na-aberya ang ila sakayan las-9:30 sang aga sa Maniguin Island, Culasi, Antique.

Nagpasalamat ang mga mangingisda sang nalabayan sang motorbanca sang pamilya Absalon nga nagbulig guyod sang ila aberyado nga motorbanca tubtob nasugata ang team aang Coast Guard nga magahimo na kuntani sang search and rescue operation. (JoMaque)