Ati Tribes Competition sa Dinagyang Festival, pagatawgon na nga Dagyang Tribes Dance Competition

Iloilo City— Gin-ilisan sang Iloilo Dinagyang Foundation ang Ati Tribes Competition sa ‘Dagyang Tribes Dance Competition.’

Base sa rules and guidelines sang kompetisyon, ang Dagyang amu ang dance competition sa Dinagyang Festival nga nagapakita sang indigenous roots ukon mga ati, christianization ukon ang Sto Niño, kag merry making ukon Dagyang.

Dapat man ipakita sa performance ang mga Ilonggo cultural practices pareho sang: abi abi, paghigugma, pagtipon, bayluhanay, pag-intindihanay, pagsinadya, paghirupay, pinampang, pagpahanggud (rite of passage), paghalad, pagtuo, pag-amliganay, pag-unungay kag pagtaud.

May duha ka components ang Dagyang Tribes Dance Competition: ang pasundayag ukon ang full performance sang tribu kag ang sadsad ukon ang pagsaot sang mga tribu sa parade route. (AGB/JGM)