Head sang Social Service Unit sa WVSUMC, nakabaton man sang medical assistance – DOH

Iloilo City – Nakabaton man sang medical assistance si Ms. Lulu Magbanua, head sang Social Service Unit sa West Visayas State University Medical Center (WVSU-MC).

Base sa website sang Deparment of Health (DOH), nakabaton si Magbanua sang P1,405 nga medical assistance sang 2017 para sa iya laboratory procedures.

Dugang diri, nakabaton man sang P3,000 nga medical assistance ang natungdan sang 2015.

Gintawagan sang Aksyon Radyo Iloilo ang opisina ni Magbanua apang wala pa siya nakahatag sang pahayag.

Nangin kontrobersyal ang WVSUMC sang damlag matapos natukiban nga nakabaton sang P130,000 nga medical assistance si Dr. Ramon Guerra Jr., medical center chief sang amo nga ospital sang 2017.

Base sa DOH Administrative Order Number 2017- 0003, ang mga indigent ukon pigado lang nga na-certify sang medical social worker sang natungdan nga ospital ang benepisyaryo sang medical assistance sang gobyerno. (JoMaque)