Transport group ICLAJODA, posible ma-petition para sa fare hike kon maglapaw na sa P50 ang kada litro sang krudo

Iloilo City – Posible nga mag-petition sang dugang nga sukot sa pletehan ang Iloilo City Loop Alliance of Jeepney Owners and Drivers Association (ICLAJODA) kon padayon ang pagsaka sa presyo sang gatong.

Ini kon maglab-ut na kag maglapaw sa P50 ang kada litro sang krudo. Ginhimo ni ICLAJODA President Raymundo Parcon kasunod sang price hike nga P2.30 sa kada litro sang krudo subong nga semana.

Suno kay Parcon, buhion nila ang ila P12 nga petition.

Gin-athag ni Parcon nga nahangpan nila nga mangin huol ini sa publiko pero nagalaum siya nga maintiendihan man ang sitwasyon sang mga drivers kag operators.

Posible pa man suno sa iya nga magbag-o ang ila desisyon kon may subsidy para sa transport groups halin sa gobyerno. (JoMaque)