8 personnel sang PDEA 6 kag 6 personnel sang RDEU, ginkasuhan sa Ombudsman angut sa kontrobersyal nga raid sa balay sang mga Regalado

Iloilo City— Walo ka personnel sang Philippine Drug Enforcement Agency kag anum ka personnel sang Regional Drug Enforcement Unit ang ginpasakaan kaso sa Ombudsman ni Mrs. Candelaria Regalado, iloy ni late Merriam Regalado Odicta kag ugangan ni late Melvin Odicta.

Ginpasaka ang kaso nga Grave Misconduct, Oppression, Conduct Unbecoming of a Police Officer kag Dishonesty sa Ombudsman for the Military and other Law Enforcement Offices (MOLEO) sa Diliman, Quezon City batok kanday:

Agent Johnny Boy Ibanez
Agent Alvin Clemente
IOI Shannen Gain Enriquez
IOI Vicmar Calunod
Agent Joy Ann Tomas
3 PDEA 6 unidentified companions
Police Senior Inspector Kenneth Bermejo
5 unidentified members of RDEU 6

Ang kaso may kaangtanan sa kontrobersiyal nga raid sang mga operatiba sang Disyembre 2018.

Una na gin-akusaran ni Mrs. Regalado ang mga operatiba nga nagkuha sang balor P2.4-million sang alahas sa iya kuwarto. (AGB/AT)