Former Mayor Jed Patrick Mabilog, indi magpauli sa lubong sang iya iloy –utod

Iloilo City — Indi magpauli sa Iloilo City si anay Mayor Jed Patrick Mabilog para sa lubong sang iya iloy nga si Mrs. Melchorita Escalante Mabilog.

Ini ang ginkumpirmar ni Mr. JV Mabilog, utod sang anay alkalde.

Wala na gindetalye ni Mr. JV ang rason sang anay alkalde.

Sa iya official Facebook account, nag-post sang pangamuyo si anay Mayor Mabilog kag nagpasalamat man sa tanan nga nagpadala sang mensahe sang suporta kag pagkasubo sa pamilya.

Si Mabilog ang masami nga namitlang ni Presidente Rodrigo Duterte sa iya mga speeches matapos naangut ang pangalan sa illegal nga druga.

Wala na nakapauli ang anay alkalde sa siyudad halin sang nagpadulong siya sa abroad upod sa iya pamilya matapos siya nalawagan sang presidente.

Maumpisa ang hamyang sang ila iloy karon sa gab-i, Enero 18 sa Molo Church Mortuary.

Ilubong ang matriach sang pamilya sa Enero 26 sa Molo Private Cemetery  pagkatapos sang alas-dos emedya sa hapon nga misa sa Molo Church.

(Ariel Solacito)