(UPDATE) ERC, liwat nga nagpasiguro nga wala sang power disruption sa Iloilo City sa pag-expire sang franchise sang PECO sa Enero 19

Iloilo City— Ginakabig sang Energy Regulatory Commission (ERC) nga “extraordinary” ang power situation sa siyudad sang Iloilo.

Kag para sa proteksyon sang mga kunsumedor, kilalahon sang ERC ang Certificate of Public Convenience and Necessity (CPCN) nga gina-uyatan sang Panay Electric Company (PECO) nga epektibo pa tubtob Mayo 25, 2019 agud padayon sila nga maka-operate.

Suno kay Atty. Florecinda Digal, legal officer sang ERC, “We are considering this as an extraordinary situation, so, for the protection of the consumers, the ERC will continue to honor the Certificate of Public Conveniece and Necessity (CPCN) granted to PECO which is effective until May 25, 2019. With that, we can assure the consumers that PECO will continue to provide electric services to them. We are directing, instructing PECO to continue providing services in its franchise area until May 25.”

Ginpasiguro ni Digal nga padayon ang pagpakig-angut sang mga concerned agencies sa problema agud masiguro nga indi maperwisyuhan ang mga kunsumedor.

Buwas, Enero 19, maga-expire ang franchise sang PECO kag yara pa man sa Office of the President kag nagahulat sang pirma, ang franchise application sang bag-o nga power distribution utility–ang MORE Electric and Power Corporation–matapos gin-aprubahan sang kongreso. (AGB/MO)