Sports news: Fighting senator Manny Pacquiao kag American boxer Adrien Broner, handa na sa ila welterweight fight

USA– Pareho nga nakasulod sa welterweight limit nga 147 pounds sanday fighting Senator Manny Pacquiao kag Adrien Broner, patimaan nga dayon na gid ang ila nga showdown buwas, Enero 20.

Puno ang MGM Grand Garden Arena sang nagtungtong sa stage ang duha ka fighters sa weigh-in ceremony nga ginbuksan sa publiko.

Una nga nagtungtong sa kiluhan ang 29-anyos nga si Broner kag nagrehistro sang 146.5 pounds.

Nagsunod ang Filipino icon nga nakarehistro sang 146 pounds.

Pangapinan ni Pacquiao ang iya WBA welterweight title sa amo nga sambowa.

Mabatian naman sang live sa Aksyon Radyo Iloilo ang sambuwa sugod las dies sa aga buwas, oras sa Pilipinas. Maga-atubangay ang duha ka fighters sa MGM Grand Garden Arena sa Las Vegas, Nevada. (AGB)