1 patay, 1 pilason sang ginpaarakan tiro ang tricycle sa Jordan, Guimaras

Guimaras — Patay ang tricycle driver samtang pilason ang iya pasahero sang ginpa-arakan sila tiro sa Bugnay, Jordan, Guimaras pasado las-12 kahapon sang hapon, Enero 19.

Ginkilala ang napatay kay Rufo Tahum, 52 sang Jordan, Guimaras nga may multiple gunshot wounds. Padayon naman nga ginabulong si Stephen Mondia sang San Miguel, Jordan, Guimaras nga may igo sa tiil.

Suno kay SPO4 Jeffrey Millam sang Jordan Police Station, sa ila pagpangusisa, pakadto sa San Lorenzo ang tricycle sang nag-overtake ang itom nga Montero Sport kag ginpa-arakan sila tiro.        

Padayon nga gina-imbestigaran sang Jordan police ang natabu. (JoMaque)