Suspek sa pagbuno patay sa bata sang iya karelasyon sa Btac. Viejo, nagahilibion nga nagapanawagan sa babaye nga magpakita kag atubangon man ang iya sala

Iloilo — (UPDATE) Madugay na kuntani nga makigbulag si Albert Barreto, ginapatihan kerido nga nagpatay sa 25-anyos nga bata sang iya karelasyon sa Barangay San Geronimo, Barotac Viejo.

Ini ang gin-aku ni Barreto matapos ang pagbuno patay kay Mikel Reyes, 25 anyos. Madugay na suno sa iya ang ila relasyon ni Alyas Ivy, 45-anyos  nga nagsugod sa mag-textmate.

Gin-ako ni Barreto nga makapila ka beses nga may natabu sa ila sang iya nabinag-binag nga sala ang ila relasyon bangud may bana si Ivy.

Nagpauli siya suno sa iya sa Palawan sang nagligad nga tuig agud makalikaw sa babaye pero wala untat ang pag-communicate sa iya ni Ivy.

Sa pagkamatuod suno kay Barreto, ginapadal-an siya sang kwarta sang babaye lakip na ang iya ginpamasahe pauli sa Barotac Viejo.

Gin-ako man ni Barreto nga nahulog ang iya buot kay Ivy bangud sa pagpalangga nga ginpabatiyag sang babaye. (JoMaque)