Anay presu sa Molo, dakop sa drug buy bust operation

Iloilo City — Dakop sa buy bust operation ang construction worker sa Zone 4 Barangay North Baluarte, Molo kagab-i, Enero 20.

Ginkilala ang subject kay Mark Harold Palma, 36-anyos sang Barangay Rizal Estanzuela, City Proper.

Nabaklan si Palma sang isa ka sachet sang suspected shabu kag nakuha pa gid sa iya possession ang tatlo ka plastic sachets sang suspected shabu kag P600 nga bust money.

Sa Rizal-Estanzuela ang una nga transaksyon pero nagkambyo ang pinsar sang subject kag ginpakadto ang police poseur buyer sa iya boarding house sa Zone 4, North Baluarte, Molo.

Naka-agi man presu si Palma bangud sa kaso nga pagpangawat. (JoMaque)