Sweldo sang 214 ka street sweepers sa syudad, delay bangud sa wala pa ma-release nga job orders

Iloilo City — Wala pa ma-swelduhan ang 214 ka mga street sweepers sang General Services Office (GSO) bangud wala pa ma-release ang ila mga job orders.

Wala man nakahibalo ang mga street sweepers kun may kontrata sila sa Enero bangud wala pa ang job orders.

Suno kay GSO head Joren Sartorio, kada 15/30 dapat ang swelduhanay apang tubtob subong, wala gihapon ma-swelduhan ang mga street sweepers.

Ang mga job orders ginapreparar sang City Mayor’s Office paagi kay City Administrator Atty. Hernando Galvez kag ginapirmahan sang Budget Office kag ni Mayor Joe Espinosa. (AGB)