36 LGU’s sa Western Visayas, ginpaidalum sa maid-id nga pagbantay angut sa Midterm Elections

Camp Delgado, Iloilo City – Ginamonitor sang Regional Joint Security Control Center ukon RJSCC ang 36 ka local government units ukon LGUs sa Western Visayas nga ginakonsiderar nga hot spots may kaangtanan sa May 13, 2019 elections.

Sa 36 ka LGU’s, siyam diri ang ginpaidalum sa yellow category, 23 ang gin-categorize bilang orange kag apat ang ginpaidalum sa red category.

Ang mga munisipalidad nga ginpa-idalum sa yellow category, may history sang election-related violence; orange may sightings sang armed group kag rebelde nga grupo samtang ang pula kritikal nga mga lugar, buot silingon nga magluwas sa election-related violence, may presensya sang armado kag rebelde nga mga grupo ang munisipalidad.

Ang amo nga listahan ginpresentar sang Regional Joint Security Control Center kag subject sa validation sang Comelec.

Ang mga munisipalidad nga gin-classify sa idalum sang green kag yellow ang gin-categorize sa idalum sang surveillance kag concern sang PNP. (JoMaque)