“Gina-finalize na lang” – PRO 6 Spox sa resulta sang imbestigasyon sa kontrobersyal nga raid sa balay sang mga Regalado

Iloilo City (UPDATE) – Ginahulat ni Police Regional Office 6 Director PCSUPT John Bulalacao ang resulta sang imbestigasyon sang Regional Investigation and Detective Management angut sa kontrobersyal nga pagserbe sang search warrant sa mga Regalado sa Barangay Sambag, Jaro sang Disyembr 13, 2018.

Suno kay PRO 6 Spokesperson PSUPT Joem Malong, gina-finalize na lang sang RIDM ang report antes isumiter kay PCSUPT Bulalacao.

Angut naman sa ginpasaka nga kaso ni Mrs. Candelaria Regalado nga nadulaan siya sang balor P2.4 million nga mga alahas pagkatapos sang raid, atubangon ini sang mga operatiba. Magadepende suno kay Malong sa resulta sang RIDM investigation ang ihatag nga legal assistance sang PRO 6.

Ginkasuhan ni Regalado sang Grave Misconduct, Oppression, Conduct Unbecoming of a Police Officer kag Dishonesty sa Ombudsman for the Military and other Law Enforcement Offices (MOLEO) ang walo ka Philippine Drug Enforcement Agency (PDEA) 6 kag anum ka Regional Drug Enforcement Unit (RDEU) operatives.  (JoMaque)