Barotac Viejo, Iloilo— Wala nakaluwas ang lalaki matapos ginlabu sa Barangay Nueva Invencion alas 9:40 kagab-i, Enero 21.

Gindala pa sa ospital si Rolly Jodella, 38-anyos apang wala gid natabangan.

Naghabil-habil ang leog sang biktima matapos ginlabu ni Felix Causing, 30 sang Barangay Vista Alegre.

Suno kay Chief Inspector Joven Arevalo, hepe sang Barotac Viejo Police Station, naga-istorya sa iya bayaw ang biktima sang ginkadtuan sang suspek kag ginlabu.

Nagpalagyo ang suspetsado pagkatapos sang krimen.

Hinubog ang ginasunod nga motibo sa paglabu sa biktima bangud antes sini naga-inum-inum ang biktima kag suspetsado sa gintambungan nga birthday party. (JoMaque)