Mag-utod, nabun-an sang ila bayaw sa Lemery bangud sa bill sa tubig; Suspect, nadakpan

Lemery — Pilason ang mag-utod nga mangunguma matapos nabun-an sang ila 53-anyos nga bayaw sa Barangay Nasapahan sang Enero 20.

Suno kay Police Senior Inspector Marvin Buenavista, hepe sang Lemery Police Station, ginkomfrontar sang suspect nga si Eddie Garrido, pumuluyo sang amo nga barangay, ang iya mga bayaw nga kanday Eduardo Delo Cruz, 56-anyos, kag Amando Dela Cruz, 42-anyos, tubtob nga nagsuay sila kag ginbuno sang suspect ang mga biktima.

Ginpahayag una nga ginkomfrontar ni Eduardo ang iya 14-anyos nga hinablos nga bata ni Garrido angut sa balayran sa tubig bangud isa lang ka linya ang ila gina-angutan.

Padayon nga ginabulong sa ospital ang mag-utod. May pilas sa wala nga kamot kag wala nga bahin sang iya lawas si Eduardo samtang may pilas naman sa tiyan si Amando.

Nadakpan ang suspetsado kag nag-ako sa paghimo sang krimen suno kay Buenavista.

Wala na-recover ang kutsilyo nga ginapatihan gingamit sa krimen.

Natalana ipasaka ang frustrated homicide batuk sa suspect nga preso sa Lemery Police Station.

Ang asawa sang suspect, utod sang mga biktima. (JoMaque)